想做一個有關學校飯商小小調查。

sasakaka

想做一個有關學校飯商小小調查。
請問各位小用家，你們的午飯飯商表現如何？
那一間好吃？
營養足夠？
溫度保暖做得好？
衛生做得好？
其他…

謝謝各位寶貴的意見！
🙏🏻🙏🏻🙏🏻🙏🏻🙏🏻🙏🏻🙏🏻🙏🏻

Ackl1002

其實我想表達小學午餐的問題好耐喇。不是好唔好味嘅問題(希望冇離題），係環保問題，阿女學校每日都有一大班小朋友食唔晒盒飯要倒左佢，我問佢點解食唔晒，佢通常話得15-20分鐘食，食唔晒都要被趕落操場。有試過一啖都無食過就倒晒佢。真心痛，望吓宣明會果啲非洲小朋友，再諗吓果桶倒飯，唉。飯商可唔可以比份量選擇呢，的確係有同學15分鐘食晒盒飯嘅，但我女永遠嫌三嫌四，又食得慢。下個月我地開始自己帶返，唔想side野。多謝收看

little_yolky

Ackl1002 發表於 16-2-24 11:43
其實我想表達小學午餐的問題好耐喇。不是好唔好味嘅問題(希望冇離題），係環保問題，阿女學校每日都有一大 ...

我哋學校舊年個飯商有分既, 有一個D餐係輕量的, 飯餐又有特色, 覺得好有heart, 我聽到個餸名都想食。可惜佢哋試過三兩次D食物有問題, 最終今年俾人out咗, 換另一間D餸無咁好食, D餐又無咁有heart, 仲有D菜超級難食。

不過我哋唔同, 有室長睇住, 食飯時間30分鐘+小息15分鐘, 食唔晒唔準放小息, 小朋友喊晒都無用, 要食超過一半先得, 或者攞個盒返去take away。

HaYi

我個3年都是同一飯商, 依家P4轉左, 2間都難食, 今次新的個間仲差, 佢說D菜 "食不下", 我有寫過紙反映都要食, 本來我死都不肯佢要帶飯, 因為冇人做, 不過佢去到求其帶個包都不想食學校的飯, 所以今個月趁番學日少開始冇訂, 真不想浪費左食物.

gigayan

今年轉了校商，阿囡不嬲唔太揀食，都返黎話餸一pat pat, 好似嘔吐物，難食到只食白飯，最慘間唔時有學生食到肚痛，但又唔算集體中毒，最後我屈服了，五點幾起身煮lunch box

babywoman

我仔學校飯商係德X，好似係整飛機餐的。剛問仔，按現時天氣，飯餸是熱的，夠食，因為可以添，我仔試過添兩次，營養夠呱，反正比亞媽整嘅好食（仔話）

食飯冇限時，集隊時間落返操場就得。估計有半小時左右吧。

momama

難食及唔熱，阿女堅持自己帶

小曳人

唔知係咪阿仔無乜要求，一路都餐餐请，極速食完！仲話好食！

sasakaka

謝謝各位寶貴的意見。

S-Kwok

阿仔已多番要求帶飯。
我做家長義工，親眼望到啲飯餐，自己都唔想食。
但諗唔到點解決，我怕啲飯餸焗壞

Gella77

我囡間學校都系要求要食一半以上先可以倒！

1010mum

大寶一年級，飯商是"盈信天地" - 大概是咁上下的名字。
那是大寶整個小學階段最好吃最懷念的飯商。
每天的餐單，有不同風味 - 中式餐、素餐、飽點麵食類是固定的，另外一款是日/泰/意/越........輪流轉。選餐是最頭痛的，因為樣樣都想食。
每天加$2.5有個飯後水果，多數小小的加拿蘋果，有時是雪梨/橙，有時是一根皇帝蕉。
訂水果的同學，每星期獲贈一次甜品，一杯啫喱或布甸。

可惜，只吃了一年，換了個飯商。
這個飯商味道也過得去，不過家長選餐一樣的頭痛。因為它完全是當年"家家樂"快餐店的餐單，一式的吉列/炸.......。

再過了兩年，又換。這年大寶主動要求帶飯，不吃飯商了。
因為連續兩次，吃到中間未熟的肉。
大寶已是高年級，有基本常識，識得分辨。低年級的，恐怕是吃了生肉都不知不覺。好可怕。

貓MIMI

我仔間用緊9 to 5有4款餐，蒸飯，焗飯夠熱，味道好，佢肥左好多

SY_Joanne

阿囝學校轉咗飯商，啲餐難食到
連阿囝對食冇乜要求都話難食，佢哋個個同學都轉帶飯

hippoo

Up

Charlotte_mom

原帖由 Ackl1002 於 16-02-24 發表
其實我想表達小學午餐的問題好耐喇。不是好唔好味嘅問題(希望冇離題），係環保問題，阿女學校每日都有一大 ...

呢個關乎學校做法多d，我地唔食一半，會要繼續食，食到小息都無。所以小朋友好快就知唔可以叫飽就唔食