NAIS Year 6 - 想請教

Clarkie

來緊會插Year 6. 本身LS成績只係緊緊合格(已經有温書), 覺得LS教學唔合適所以想轉。雖然話係有温書, 但因為LS一日好多功課, 又個個星期有dictation, quiz, dictation 每謂中或ENG都有unseen, 所以永遠都低分, unseen 都幾深。讀到佢無晒信心, 唯一一次dictation 100分, 係因為個次係背黙, 無unseen.  

想問吓有經驗家長, 小朋友由LS轉到IS, 佢哋讀得開唔開心, 有啲咩唔慣? Year 6多唔多功課? 要讀啲咩科?  轉咗覺得小朋友情緒上有咩變化?

因為真係讀到佢個人無晒信心, 亦無興趣學習, 見到咁我好心痛。我想佢重拾自信, 有推動力學習。LS一般只想你定定坐係度聽。佢係好活躍, 好鐘意發問同有參與感既小朋友。NAIS係咪容許多一點互動?

下學年先轉, 有啲咩我可以同佢預備定先?  多啲睇ENG書?

感謝各位意見

RRDDragon

仲等下學年？有得轉就盡快轉

simonchan1986

If year 6 and a lot of fails for unseen English tests, it could mean your child English proficiency is not strong enough for NAIS (or any other IS). I suggest you to hire someone to assess the English proficiency first. The elder it is, the bigger the gap between IS and LS students' English proficiency.

964000

Clarkie 發表於 23-4-18 13:00
來緊會插Year 6. 本身LS成績只係緊緊合格(已經有温書), 覺得LS教學唔合適所以想轉。雖然話係有温書, 但因為 ...

已經收了？主要谷英文
勁睇英文書，勁褒英文電視you tube, 請net補oral.
因為Y5都幾大個，英文聽講不好會影響社交。
同意英文主要靠phonic同basal tone, unseen默唔到即個底唔好，要溫（死記）先默到。

Clarkie

回覆 RRDDragon 的帖子

係呀, 23/24學年。而家都4月中, 其實得2個月多少少IS就放SUMMER.  

girl2016

加返多D 英文野比佢, 佢如果有咩興趣報D 相關用英語教的班.

問下學校有無SUPPORT 如果佢英文跟唔上, 再決定自己加幾多英文外補幫佢追.

Clarkie

回覆 964000 的帖子

謝謝你既指點。其實一直都想同佢睇多啲書, 無謂中文好, ENG好。只係一路都無太多時間去做。學校既功課, 小測, 考試, 黙書已經搞到好夜。又不能夠放學後只做工作不休息, 都要比返少少free time佢。而家收咗, 咁可以唔使咁緊張在校既野。唔使花咁多時間。留返啲時間睇吓書好過。

Clarkie

回覆 girl2016 的帖子

NAIS有EAL, 希望到時都可以幫到佢。

PigPig710

其實真係唔洗太擔心成績! 基本上一星期只會有一兩次功課, 通常都係係學校完成所有學習。如果真係想準備得好啲既, 就補下英文數, 長遠都會有用, 通常由LS轉IS, 長問題佢地唔係好明, 咁早啲學佢地上堂會容易吸收。英文講得好唔好老師唔會太在意, 佢地比較注重學生禮貌同品德, 其他學校問題佢地都會慢慢教, 同學亦都好純品, 好快就會玩得埋! 希望幫到你~

yutochung

请问你最终选了哪间学校？

964000

Clarkie 發表於 23-4-19 10:45
回覆 964000 的帖子

謝謝你既指點。其實一直都想同佢睇多啲書, 無謂中文好, ENG好。只係一路都無太多時間 ...

另外summer可以參加一些IS辦的summer school, 暫時知Harrow, DSC, ESF都有辦，可以熟習下

ganggang

964000 發表於 23-4-18 21:43
已經收了？主要谷英文
勁睇英文書，勁褒英文電視you tube, 請net補oral.
因為Y5都幾大個，英文聽講不好會 ...

請問NAIS係咪比較易入？

Clarkie

我都唔知算唔算易入。我見其他學校既入學試一般都係考eng/maths. 當中包括writing/comprehension/oral. 因為本身若係LS出來, ENG未必達到佢地要求, 數學方面, 都要睇返LS小學係中數定ENG數。ENG數的話一舨都無問題。但NAIS既入學試有啲唔同, 都係考ENG, 但只係MC題, 另一個TEST係‎Cognitive Abilities Test, 其實無得温。好似ABCABCAB, 問下一個係咩個類, 當然難度跟你考唔同年級而增加。另外有INTERVIEW, 小朋友自己入去, 當日話要BRING FAVOURITE TOY, 入到去做咗啲咩我就唔太清楚。不過我問過入學組, 佢哋話, 其實入學考唔係想睇吓你小朋友有幾叻或者唔叻唔收。只係想比老師睇吓你小朋友邊方面強, 邊方面WEAK。佢哋希望幫佢係WEAK既哋方加強, 係本身強既地方更上一層樓。同埋話主力於小學幫佢哋增加自信, 快樂同自主學習。呢個係我欣賞佢哋既哋方。因為佢哋明白, 每個小朋友有自己學習既PACE, 有快有慢。佢係慢既, 老師就用佢哋既專業睇吓點幫佢。所以入學試方面我覺得唔難。但係我得到既資料係佢哋好重diversity。一來本身要70%FB, 而中國PP唔算FB。二來佢哋FB得來都有分國家。佢哋想做到每班有一定比例既既國藉。我試過放學時間過去, 係我算時見過最多鬼仔既一間IS。每數到, 但估計一班有起碼一半金髮。
因此我唸你申請入學機率都好DEPEND ON你係用本地生, 或者FP.  若係FP, EG. 美國, 咁岩佢個級缺美藉, 咁你咪有priority.若得一個位, 有一個美國, 一個日本, 而佢哋缺日本, 咁就應該收日本個個。所以易唔易入可能都睇彩數。

bduck001

回覆 Clarkie 的帖子

世事也被你看透了😊Welcome to NAIS!

Clarkie

回覆 bduck001 的帖子

Your child at NAIS? 我哋未入讀, 只係講吓自己同學校溝通後, ASSESSMENT及SCHOOL TOUR的經驗。入到去係咪真係咁都唔知。用家應該會清楚啲。

shelbylks28

回覆 Clarkie 的帖子

NAIS收左你，你有fp嗎？