開學兩個月就幫仔仔排I位 分享加求意見

Chengwaihong

依家仔仔兩歲九個月，講嘅嘢都係唔超過10個單字，我曾經以為佢返k1就會開始多啲嘢講，點知發現到更多問題，例如上堂唔坐定定淨係做自己想做嘅嘢、老師叫佢又唔理人咁，咁開學第二個禮拜老師就同我講懷疑仔仔有啲自閉傾向，其實我都懷疑過 因為佢細個好鍾意自轉 依家就少咗，咁老師安排咗學校社工同我傾計 同我講點做，我想快啲就冇等智力測驗中心（不過都照排緊），自費出去搵醫生做評估，醫生話仔仔有眼神接觸 識聽指令 有互動 都專注 係性格固執唔鍾意社交 可以自己玩就寧願自己玩 冇自閉傾向，語言發展就得1歲，攞到份from2俾社工 有得揀 i e o 位，我覺得e o位一個月得4-6次訓練好似太少 好好彩地本身讀緊間幼稚園有i 位唔洗轉校 所以揀咗I位，上網睇完一大輪又覺得o位每次都有言語治療師好似對症下藥啲咁，我又想帶仔仔上啲密集課程 有冇人有好推介唔該晒各位媽媽！！！

ts02357721

我仔仔依家3歲8個月，細個果陣吾肯講野，淨係識講yes, no, 奶奶，媽咪，爸爸，好記得佢到3歲3個月終於開始肯講野表達自己，真係好感動。佢pn果陣有O位，上咗1個學期，之後k1轉咗幼稚園，果間幼稚園無O位，所以依家用緊E位。我覺得E位比O位好，因為每次做完訓練都可以即時同治療師溝通，跟得會足d, 而且言語治療訓練次數比O位多，但都要睇你係入邊間E位，因為E位間間機構都吾同，有d係行小組，有d係個人，有d每星期都有言語治療，有d 1個月得兩堂，最好遂間打去問。

footballboys

Chengwaihong 發表於 23-10-20 22:36
依家仔仔兩歲九個月，講嘅嘢都係唔超過10個單字，我曾經以為佢返k1就會開始多啲嘢講，點知發現到更多問題， ...

已pm

footballboys

我小朋友也是用E位的。E 位的優點是我可以陪小朋友上課，除了可以和老師溝通外，還可以知道訓練的形式，回家可以和他温習，個人認為温習很重要，可以令小朋友更進步。

fasola

Chengwaihong 發表於 23-10-20 22:36
依家仔仔兩歲九個月，講嘅嘢都係唔超過10個單字，我曾經以為佢返k1就會開始多啲嘢講，點知發現到更多問題， ...

E > I > O
O 位訓練係最少既. 以你小朋友慢咁多, 勿揀.

I 位同O 位都係靠外判言語治療師到訪, 一個月兩次.
但i 位除左外判言語療治療師, 仲有駐校嘅特殊幼稚教師, 每日做訓練. 佢地叫抽堂, 上少半個鐘正常科目, 去做特別訓練.

E 位由三師(言療/物理/職業)訓練應該係最多, 但就要你自己帶去中心, 如果要全日制幼稚園就要時時請假. 考慮下揾半日制配合.

sims0601

如果想揀自己學校I 位
首先要睇吓社署條隊
因為單一選擇 有機會排多過一年
咁排得嚟都K3
而且其他小朋友都可以插隊 唔係本校優先
係個小朋友排個日子優先
如果有小朋友已經有E/O 位 轉I 個日子 一定早過妳依家開始排I

當然有學校既I 位無人排 唔排除即刻有位
不過一般嚟講 開咗學都係會等到K3小朋友畢業 出年九月再入新的
不論I EO 連S 都係 一般都係九月入

我係用E 轉I 仲轉校的
舊年我 係續間打去問有冇位先排
（有啲肯答有啲唔肯）

我覺得 I 既好處係
個時間穩定
因為無論O E 都要每月 記住 唔同既Schedule
去上訓練 Schedule 出得好遲 安排有困難

而有穩定既schedule 會方便外補
不論興趣班/私人訓練
如果 E O 基本上都唔洗諗外補
超難安排
然後 E 位仲會影響正常上堂 因為佢係話會就你返學 事實都唔100% 就到
O 位 我聽過 離譜到 叫咗個小朋友自己既生日會去上堂

其實政府啲堂 上完都未必有用 只係好過無
我仔舊年 E 咗成年 講真 我覺得唔上 分別都唔大
我有朋友 有O 上咗成年 政府個精神科醫生 特登寫信同O 位班人講話 訓練無成效 叫佢哋 改善

所以又影響 返學 又自己都安排唔到課外活動既就真係算吧la

I 位反而主要睇I 位老師
自己學校既 可以搵個I 位老師/校長傾吓
間學校正常 個I 位老師正常 正正經經返學
自己搵自己小朋友特別需要補既治療  
我覺得最好

chun719

E > I > O
重點係教你平時點去訓練小朋友
唔係喺一個咁短既課堂學習。